ვაზისა და ღვინის ღვთაებრივი არსი

Product details:

საქართველო, მიწათმოქმედების უძველესი არეალი, ვაზის მოშინაურების სამშობლოა, ქართველები - ღვინის უძველესი კულტურის შემქმნელი ერი. ამ მოსაზრებას ადასტურებს წარმატებით მიმდინარე არქეოლოგიური აღმოჩენების შედეგად გამოვლენილი უამრავი ნივთი, მათ შორის , ქვემო ქართლში, ხრამის დიდ გორაზე, ნაპოვნი ძვ.წ. VI ათასწლეულით დათარიღებული ქვევრის ტიპის საღვინე ჭურჭელი, რომელსაც ვაზის მტევნის ოთხი რელიეფური გამოსახულება ამშვენებს. მონოგრაფიის მთავარი მიზანია ვაზისა და ღვინის მრავალსაუკუნოვანი ქართული კულტურის მითოსური და რელიგიური საწყისების ძიება. ქვევრში ღვინის დაყენების ქართული წესი და, ზოგადად, ქართული სუფრის ტრადიცია, რომელიც ღვინის მიღების სარიტუალო ხასიათსაც ავლენს. ამ კულტურის განვითარების ყველა საფეხურზე ვაზი როგორც ხე სიცოცხლისა ქართველთათვის ღმერთთან ზიარების წყარო იყო. ამიტომაც გახდა საქართველოში ქრისტიანობის სიმბოლო ჯვარი ვაზისა, რომლის მაკურნებელი და მაცხონებელი ძალით ქართველმა ერმა ერთნაირად შეძლო, შეენარჩუნებინა ერთმანეთთან ბედისწერით გადაწნული ქრისტიანული სარწმუნოება და ვაზისა და ღვინის უძველესი კულტურა, რომლის რელიგიური საზრისი დაუსაბამო ღმერთთან მარადიულ თანამყოფობას იმთავითვე გულისხმობდა.