საფერავი

Product details:

2016 / წითელი / მშრალი

,,ჰერითიჯი“ პრემიუმ ხარისხის ღვინო, დამზადებულია შილდაში მოწეული საფერავისგან ქვევრში, კახური ტრადიციული მეთოდით. ღვინო წარმოებულია ლიმიტირებული ტირაჟით, სულ 2000 ბოთლი.

ღვინო არის ალუბლისფერი შეფერილობის, ლალისფერი კანტით. ახასიათებს ინტენსიური ბუკეტი, რომელსაც ჭიქაში დრო ჭირდება რომ გაიხსნას. დომინანტურია კასრში დავარგებისა და ბოთლში დაძველების არომატები, როგორიცაა, ტყავი, თამბაქო, შავი შოკოლადი, ხორცი. აქვს სრული სხეული, მომრგვალებული სახასიათო ტანინები და გამყოლი გემო. პალეტზე იგრძნობა მწიფე ქლიავისა და გრილზე შემწვარი ხორცის ტონები.

ღვინო სერვირებამდე დეკანტაციას საჭიროებს. ,,ჰერითიჯი“ თავის ასაკთან შესაბამისად უკვე კარგად არის განვითარებული ბოთლში, თუმცა აქვს კიდევ რამდენიმე წელი დაძველების პოტენციალი. იდეალურად შეეხამება გრილზე შემწვარ ან შებოლილ ხორცს კენკრის სოუსის ემულსიით, ასევე მობრაწულ, კარამელიზებულ ბოსტნეულს. 

დეა ფურცელაძე
ღვინის ექსპერტი, ღვინის ტურიზმის და მარკეტინგის მაგისტრი