ჩვენი ეზო ქარვისფერი

Product details:

2024 / თეთრი / მშრალი

ეს ქარვისფერი მშრალი ღვინო კახეთის სოფელ სანიორეში მოწეული მუსკატური რქაწითელისა და მწვანეს ჯიშის ყურძნიდან არის დაყენებული. „საწნახელის“ ეს ნიმუში ქვევრის ტრადიციული მეთოდით დამზადდა, რაც ორ არომატულ ჯიშს განსაკუთრებულ სტრუქტურასა და სირთულეს სძენს. ქვევრში ჭაჭაზე დაყოვნებამ ღვინოში შეინარჩუნა პირველადი არომატების სიმდიდრე და შესძინა მას კახური ღვინისთვის დამახასიათებელი სხეული. ღვინოს აქვს კაშკაშა ქარვისფერი შეფერილობა. ბუკეტი გამორჩეულია თავისი სურნელებით, სადაც მუსკატური რქაწითელისთვის დამახასიათებელი ყვავილოვანი და მოტკბო ტონები ჰარმონიულად ერწყმის მწვანეს მცენარეულ ნოტებს. გემოზე ღვინო არის ენერგიული და დაბალანსებული; მაღალი, ცინცხალი მჟავიანობა და რბილი, მრგვალი ტანინები 12%-იან ალკოჰოლთან ერთად ქმნის დახვეწილ და სასიამოვნო პროფილს. ეს ქარვისფერი ღვინო საუკეთესოდ ეხამება ცხარე აზიურ სამზარეულოს, ნიგვზიან კერძებს, შემწვარ თევზსა და საშუალოდ დაძველებულ ყველს.